حسبي الله على بيت الشاورما

[شموخ داورد]

الــسلام عليكم ورحمة الله وبركاته ...

الاسبوع الي فات وتحديداً يوم الثلاثاء 9-10-1427 هـ في الكليه كنا نبي نطلب فطور من المطعم وطبعا المطاعم عندنا محدوده فما لقينا الا ( بيت الشاورما ) او بالاحرى بيت القذاره لان ماكان معنا رقم مطعم غيره ..
طلبنا من عندهم شاورما وافطرنا وفيه وحده من البنات جالسه الطماط الي فيها لانها ما تحبه وهي جالسه تطلع الي فيها وتفتش لقت ( ذباب ) قسم بالله ذباب وانا شايفته بعيوني ..والله حامت كبودنا ورمينا الباقي ( طبعا بعد ما كلينا نصه ) هذا لانها فتشتها لقت البلاوي الي فيها اجل لو كل وحده مفتشته حقتها وش بتلقى ؟؟؟

وترى هذي مو اول مره قد سمعت نااااس كثير يسبونه ويقولون انه وصخ ويوم قلت لوحده من صديقاتي قالت بس خالي قد لقى فيه ( اظــفـــر ) ... >>> طبعا هذا سمعته .. لكن والله ما كتبت الموضوع الا عشان شي شفته وحرمت بعده اتعامل مع ذا المطعم القذر وحبيت ابلغكم عشان ما تطيحون في طحت فيه ..


حسبي الله عليهم القذرين .. الله لا يوفقهم ..
اذا مطعمهم قذر لها الدرجه ومافيه نظافه ولا رقابه ولاهم قد مطاعم صاحيه مثل العالم اجل وش هو له فاتحينه ...
ولا صــار الربح المادي والمكسب اهم من صحة الناس وصحة اكلهم ..

واخــيـــراً ..
والله ماكتبت هذا الموضوع عشان اشوه سمعت المطعم ولا عشان شي سمعته ولا لاي غرض ثاني ..
والله ما كتبته الا عشان احذركم من شي شفته ...

[محب داورد]

مشكور أختي... شموخ داورد

على ما ذكرتيه من توضيح

وبصراحه أنا سمعت الكثير عن هذا المطعم بالذات , وسبق أن طرح أحد الأعضاء موضوع يخص المطعم نفسه..

وبصراحه مطاعم الوجبات السريعه في الدوامي وغيرها , دائما ما يكون لها أضرار بالناس فكم سمعنا كثيرا عن حالات التسمم بسبب هذه الوجبات السريعه ..

وأنا من هذا المنبر أنصح أخواني وأخواتي بالإبتعاد عن مطاعم الوجبات السريعه قدر الإمكان..




محب داورد

[فــواز]

فعلاً اصبتي عندما ذكرتي أن الربح المادي أهم من الصحة وحياة الناس ..

والدليل أن صاحب هذا المطعم بالتحديد (أجنبي) بمعنى أنه من الطبيعي

أن يبحث عن المال الذي أتى للمملكة بحثاً عنه وبأي طريقة كانت بعيداً

عن الذمة والضمير إلا من رحم الله وهذا حال أغلب المطاعم بالمملكة

والمحلات التجارية أيضا.

نحن من يجب أن نغير هذه العادة (المطاعم) ونوفر البديل الذي يوفر

لنا المال ويأمن لنا الأكل الصحي مثل طبخ البيت ..

أما لأخواتي ضحايا هذا الإهمال وغيرهن أوجه لهن هذه النصيحة

هناك كتب الطبخ الكثيره ومن أهمها على ما أعتقد كتاب (لأمل

الجهيمي ) يحتوي على طرق جميع الأكلات بأنواعهاوبوضوح لا بد للمرأة

أن تطور نفسهاثم لتوفر لعائلتها البديل عن المطاعم لينعم كل بيت

بأكل شهي وصحي .

وبالمناسبة في أيام العيد الماضية كنت في المنطقة الشرقية (الخبر)

دعاني أحد الأصدقاء لمطعم ( أكلات شعبية) وأخبرني بميزة هذا المطعم

الذي جعلني أصر على الذهاب له

من مميزات هذا المطعم وأهمها أن من يطبخ الأكل نساء سعوديات في

بيوتهن أما العمالة في المطعم دورهم الترحيب بالزبائن وإحضار

الطلبات لهم .

وأنا هنا بهذه النصيحة لا أقول بأنكم لا تعرفون شيئ عن الطبخ ولكن أنصح بالإهتمام به وتوفير البديل .

وكلنا نعلم أنه لا غنى عن هذه المطاعم في المملكة ولكن يجب علينا عند الظروره أن نتوجه للمطاعم الراقية التي لا تخلوا من الزبائن لنظمن على الأقل ونطمئن أن الأكل طازج لا يبقى في المطعم فترة طويلة ولكن للأسف نفتقدها بهذه المحافظة ولا يوجد بها إلا هذا اليوم بنظري.

[فهد النفيعي]

بيت الشورما أوغيره
عموم مطاعم الوجبات السريعة ..... خطيرة
لكن العجيب أنها من أنجح المشاريع
بالذات في مجال المطاعم ...
فما سر نجاحها إذن ؟؟

[THE SNAKE]

الله يكون بالعون نعم الوجبات السريعه مضره ولكن اين دور البلديه والمراقبين الصحيين مازلنا مكانك راوح وتحيه الى البلديه وبس

[ماجد]

فطور !!!!!!!!!!

بيت الشاورما لا يقدم وجبة إفطار !!!!!



كلامك غريب




يمكن مطعم ثاني



أنا معك المطعم سيء بس التأكد واجب






القصة غريبة





ماجد

[سلفر الروقي]

فواز

وبالمناسبة في أيام العيد الماضية كنت في المنطقة الشرقية (الخبر)

دعاني أحد الأصدقاء لمطعم ( أكلات شعبية) وأخبرني بميزة هذا المطعم

الذي جعلني أصر على الذهاب له

من مميزات هذا المطعم وأهمها أن من يطبخ الأكل نساء سعوديات في

بيوتهن أما العمالة في المطعم دورهم الترحيب بالزبائن وإحضار

الطلبات لهم .


صدقت أخوي فواز وهذا المطعم من

أشهر المطاعم في المنطقة الشرقية..

<<< اذبحه عنده



تحياتي لكم/ ســــلفر

[*·.,.·*غريب أمرك*·.,.·*·]

هههههههههههههههههه


زين طحتو في ذباب ولا طحتو بصرصور ويييييييع

[يالله لاتقطع رجاكل مشتاقّ]

عاد الصرصور مع الشاورما شي خصوصا مع الطامط يالله (( رهيب))

[السفيره]

انتظرو كودو لين يفتح

على الاقل فيه ناس وراه تراااقب

ومطعم مشهوور لكن ماندري وش هالسبب اللي
يخليه يتاخر مو معقوله عشان قسم العوائل
لها الدرجه التعقيييييييييييد

[محـ نجد ـب]

ذباب يا شمووووووووخ

انا اعرف ثلاثة من الربع تسمم غذائي من ذالمطعم وعلى المستشفى على طول غسيل ( صحون ):sm27: اقصد غسيل معده وطلع مستشفى الدوادمي ما يباعد مطعم بيت الشاورما يالله لك الحمد

[يالله لاتقطع رجاكل مشتاقّ]

وطلع مستشفى الدوادمي ما يباعد مطعم بيت الشاورما يالله لك الحمد

هههههههههههههههههههههههههههههههه
والله انك صدقـــت

[الدوادمي نت]

الله يعين ياشموخ والله من شاورما راحت بس خلي الباقي مستور أكل البت أكل البت فقط لاغير