الحصانــة ..

[سعود الدريبي]

السلام عليكم ورحمة الله وبركاته
.. و عودة بعد غيــاب ..



الستيره ستيره لو بليا حجاب
الخلاقين ماتستر قليل الحيا
عيشة كاشره يمكن يجيها ذباب
ويتسمم طعام محكم بالغطاء
قالوا ان جاك ريح دونها صك باب
قلت انا خارج الاسوار وين الذرا
ماحمى السور بيت صاحبه عنه غاب
ومحكمات الغرف مكشوفة للفضا
الحصانه بقلب اللي من الله يهاب
ومن حماه الولي ولا فلاله حما
الشياهين ماكرهن بعالي الهضاب
الدجاجه تحط عيالها بالوطا
مايلج الفريق الا نباح الكلاب
ويارد الذيب صامت وياخذ اللي بغى


15\1\2007
أتمنى أن ترقى لـذائقتكم
تقبلـــوا تحيـــاتي ..

[الدوادمي في دمي]

مايلج الفريق الا نباح الكلاب
ويارد الذيب صامت وياخذ اللي بغى


بغى الله الله


تسلم يالغالي

وعووووده مميزة كعادتك
تسلم يالغالي
ولا تبطي علينا بكلماتك العذبة او اعمالك الرائعة ..

اخوك
الدوادمي في دمي

[خالد الجهيمي]

الحصانه بقلب اللي من الله يهاب
ومن حماه الولي ولا فلاله حما


كان الجمال هنا ... طاغي

مااقدر اقول أكثر من الله عليك الله عليك

نص جميل جدآ

جورية لروحك ..

صح لسانك
شاعر وتشكيلي ومبدع
الحمد لله على الســـلامة
عدت والعود أحمد
قصيـــــــدة ولا أروع
ربي يعطيك العافية

[ناجي الطريسي]

مايلج الفريق الا نباح الكلاب
ويارد الذيب صامت وياخذ اللي بغى



صح للسانك ابوأحمد والحمدلله على السلامه,,,



أخوك/ خـــالــــد الطـــــــــــــــــريسي

[الوفاء]

صح لسانك يا ابو احمد وحمدالله علئ سلامتك

[الضغط]

السلام عليكم ورحمة الله وبركاته
الستيره ستيره لو بليا حجاب
الخلاقين ماتستر قليل الحيا
الله يسترنا بالثياب والتراب
رائع يابواحمد وهذا ديدنك
لاهنت

[شاب في الخمسين]

صح لسانك يابو احمد

والله يمتعك بالصحه والعافيه ويحفظك اخي الحبيب

[سعود الدريبي]

جمال قصائدي .. لايكتمل الا بتذوقكم لها ..

طبتم بخير ..

وسلمت لمحبكم ومغليكم ..

[زهـــد]

الشياهين ماكرهن بعالي الهضاب
الدجاجه تحط عيالها بالوطا
مايلج الفريق الا نباح الكلاب
ويارد الذيب صامت وياخذ اللي بغى



قصيده رائعه والحمد الله عالسلامه
وصح لسانك

[كفاااااني عـــذاااااب]

صح لسانك يابو عبد الله موفق يالغالي

[سعود الدريبي]

جمال قصائدي .. لايكتمل الا بتذوقكم لها ..

طبتم بخير ..

وسلمت لمحبكم ومغليكم ..