STC وآلــشـعر ..

[سعود الدريبي]

السلام عليكم ورحمة الله وبركاته


في محاولة مني للاستفادة من عرض الرسائل المجانية من شركة الاتصالآت في بث روح الشعر في الرسائل ..


أرسلت هذه الأبيات :


القصايد بسيطه والرسايل بلاش..
وين شعارنا ماونسونا بها ..
خاشرتنا اس تي سي مامضى من معاش ..
ادركوا غلطة ربي رماها بها ..



[ كلمات؛ سعود الدريبي]



وجائتني الردود التاليه (مرفقة بإسماء اصحابها ) :




-1-


الرساله على المفهوق والشعر كاش _ والمغني هجوسه ماتغنابها
نومة الذيب مانقبل عليها نقاش _ ذيب ما ينومن لو عينه اغضابها

[ الشاعر : سيف السيف ]



-2-


الرسايل بسيطه ما يبي له نقاش
بس دنين خذتنا وسط دولابها
مكالمه منك قبل ايام كانت بلاش
و كل هذا من ‏STC‏ لأحبابها
كيف حالك وش اخبارك مع جيل طاش ..
بعد ما عرضت الحلقه على ما بها

[ د.خالد المسعود ]




-3-


الرسايل وضيعه والسوالف هواش..
صدوالناس عنهامن كتر مابها ..
والفصايد تملت من ورقها الخياش..
سوق شاري وبايع بيد جلابها


[ خالد العنيضيل ]



-4-


القصايد كليفه والشواعير ماش ..
وين احصل سواتك يجينابها
ياسعودالدريبي سدد التيل كاش
وابتعد عن (....) ناره ومشهابها


[ اللواء : عويض الجعيد ]



-5-


جاتني كلمة من راس زول وجاش..
خاطرن خوته كلن تغنى بها..
يا سعود انت وصلك مثل هطل الرشاش..
وسط وديان مبطي السيل ما جابها..
مير في بعض الاشيا لو فتحنا النقاش..
تنفتح كارثه ما ينقفل بابها..
بس تدري مادام الحرب خدعة بلاش..
نركز خيام ماندري وش اطنابها..

[ خالد هزاع الزهراني ]




-6-


سهم سابك عطا ياسعود درب الخشاش
واليالي تقلب وانته ادرابها
وانت رجال عاقل ليه تدفع بلاش
اس تي سي لابوها ولامن جابها

[ عبدالله الوقيان ]



-7-


عشر سنين والجوال ياخذ كاش‎.:‎
والملايين من البنوك قفا بها..
‎‎ولاخلو في الرصيد عراش..
‎حتى الحروف المرسله ياخذ حسبها‎ ..

[ مرزوق العصيمي ]




-8-


في موبايلي تعرف ان الرسايل بكاش
مير ياسعود تستاهل وجينا بها
مرحبا عد ما خيل وجنا رشاش
يالدريبي رسايلكم فرحنا بها

[ منصور محيا ]



-9-


لاتصدق ترامافيه شي بلاش ..
قد خذوها من اول قبل اعلانها ..
اس تي سي ضالمه وحناوراها بلاش..
رح لمبايلي وتشوف ميزاتها..


[ عبدالله العياضي ]



-10-


لاتصدقهم تراهم يأكلون العراش
والدليل الفواتيروالمدون بها
بالدقيقه يدفعونك بالرسا يل والنقاش
لين بالدندان والغصب يغرونك بها

[ النقيب: هابس حوال ]



-11-


مرحبا يارفيق؛بحر ماهوب رشاش
المعان الجزيله كم تغنى بها
قد خذونا ثلاث اسنين قدام كاش
والرسايل طناخه يوم زكوا بها

[ علوش المطيري]




-12-


وجه اللوم لأهل العفول الهشاش ...
السوالف كثيره والفلس صابها

[ العميد : عبد الحفيظ العصيمي ]




-13-


يالدريبي قضية تستحق النقاش ..
تستحق المناقش وأنت تدريبها
الرسايل على ماقلت لوهي بلاش..
ويش مصلوح جوالنا بها
استوت ياعميلي لولد اللاش
صافيه صافي مشروبها
مثلنا ماحسب وفرالمعاش
دون وجهه يبي يصخيبها

[ بندر العنيضيل ]






والمسـاحة مفتوحه لكم ؛

[ناجي الطريسي]

موفق بإذن الله ... لك مني أجمل تحية .

[ذيب المحازه]

احسن رد هو للشاعر الكبير/ عبد الله ابو قيان تسلم يابو محمد

[أبو عبدالرحمن]

نشكر من بدى بالرسائل و نقوله عاش
فنان نحت و جميل المعارف جابها
و التواصل جميل مايبغى له نقاش
بس مثل ماقيل النار من شبابها


أبو عبدالرحمن القحطاني

[فـجر]

وعليكم السلام ورحمة الله وبركاته

القصايد بسيطه والرسايل بلاش..
وين شعارنا ماونسونا بها ..
خاشرتنا اس تي سي مامضى من معاش ..
ادركوا غلطة ربي رماها بها ..


صح لســانك استاذ / سعــود

والردود أيضاً راائعه

[سعود الدريبي]

شكراً للاحبة الشعراء .. وشكراً للأخوة والاخوات القراء ..
والى لقاء في موضوع آخـــر ..

سلمتم ودمتم لمحبكم ..

[مُلْفِـتٌ الانْظَــارِ]

يعطيك الف عافيه أستاذ / سعود .
تحيتي لك .

[ضَہمْہدَ جَہرُوْحَہيُ]

شـكــ وبارك الله فيك ـــرا لك ... لك مني أجمل تحية .